गेल्या काही दिवसांपासून कबुतरखाना बंदीच्या आदेशामुळे मोठा वाद सुरू आहे. कबुतरखान्याच्या समर्थनार्थ आज मराठी एकीकरण समितीच्यावतीनं आंदोलन सुरू आहे. या आंदोलनला पोलिसांकडून परवानगी नाकारण्यात आली होती. तसेच आंदोलनाच्या आधीच मराठी एकीकरण समितीला दादर पोलिसांकडून नोटिसाही देण्यात आल्या होत्या. पोलिसांच्या या नोटिसानंतर दादर कबुतरखाना परिसरात आंदोलक जमले असून याठिकाणी पोलिस आणि आंदोलकांमध्ये मोठा वाद झाल्याचे पाहायला मिळाले. यावेळी पोलिसांकडून आंदोलक ताब्यात घेण्यात येत आहे. मराठी एकीकरण समितीचे नेते गोवर्धन देशमख यांनी पोलिसांवर गंभीर आरोप केलेय. पोलिसांमुळे माझ्या हाताला दुखापत झाली आहे. पोलिसांनी ही दडपशाही थांबवावी आणि पोलिस जैन समाजावर का कारवाई करत नाही असा सवालही गोवर्धन देशमुख यांनी उपस्थित केला आहे.