पाकिस्तानी तरुणीशी विवाह केल्याने सेवेतून बडतर्फ केलेल्या केंद्रीय राखीव पोलीस दलाच्या जवनाने त्याच्यावर केलेले आरोप फेटाळले आहेत. लग्न करण्याआधी CRPF च्या मुख्यालयातून परवानगी घेतली होती. आणि सर्व कायदेशीर प्रक्रिया पूर्ण करूनच विवाह केला होता असे बडतर्फ केलेल्या CRPF जवानाने स्पष्ट केले.

शनिवारी CRPF जवान मुनीर अहमद याला सेवेतून काढून टाकले. एएनआय या संस्थेशी बोलताना मुनीर याने हे आरोप फेटाळले आहे. मला माझ्या निलंबनाची माहिती ही मीडियामधूनच माहीत झाली. यानंतर लगेचच मला सीआरपीएफकडून एक पत्र मिळाले. त्यामध्ये मला माझ्या बडतर्फीची माहिती देण्यात आली. हे पत्र मला आणि माझ्या कुटुंबाला धक्का देणारे होते. परंतू पाकिस्तानी मुलीशी लग्न करण्यासाठी मुख्यालाकडून परवानगी मागितली होती. आणि मला परवानगीही देण्यात आली. त्यानंतरच माझे लग्न झाले, असे मुनीर याने म्हटले आहे.