राज्यभरातील बॅंकांबाहेर लाडकी बहिण योजनेचे पैसे काढण्यासाठी मोठी गर्दी पाहायला मिळत आहे. अशाच वाशिममध्ये भर पावसात लाडक्या बहिण योजनेचे पैसे काढण्यासाठी महिलांनी गर्दी केलेली पाहायला मिळाली. लाभार्थी महिलांनी वाशिम शहरातील पोस्ट ऑफिस मध्ये भर पावसात पैसे काढण्यासाठी गर्दी केल्याचं बघायला मिळालं. पुढील दोन दिवस सलग सुट्टी असल्यामुळे लाडक्या बहिणींकडून पैसे काढण्याची लगबग पाहायला मिळाली. तर आज सकाळपासूनच वाशिम शहरात रिमझिम पाऊस पडत असतानाही महिलांनी पैसे काढण्यासाठी गर्दी केली होती.