अमरावतीमध्ये जिल्हा नियोजन समिती बैठक आयोजित करण्यात आली होती. या दरम्यान जिल्हा नियोजन समिती बैठकीत गोंधळ झाला. कॉंग्रेसच्या आमदार यशोमती ठाकूर आक्रमक झाल्याचं पाहायला मिळालं आहे. 'तुमच्या सरकारमध्ये माझा वारंवार अपमान होत आहे', अशी खंत यशोमती ठाकूर यांनी व्यक्त केली. पालकमंत्री चंद्रकांत पाटलांच्या बैठकीत हा गोंधळाचा प्रकार घडला. 'बोलतात एक व करतात एक असं काम सुरू' असा आरोप यावेळी यशोमती ठाकूर यांनी केला आहे. तसेच जाणीवपूर्वक निधी देत नसल्याचाही आरोप यशोमती ठाकूर यांनी केला. निधी वाटपावरून यशोमती ठाकूर आक्रमक झाल्याचं समोर आलं आहे. 'मी आमदार आहे की चपराशी?', असं म्हणत आमदार यशोमती ठाकूर कडाडल्या.