Congress names VD Satheesan as the Chief Minister of Keralam : विधानसभा निवडणुकीतील दणदणीत विजयानंतर १० दिवसांपासून सुरू असलेला केरळमधील मुख्यमंत्रिपदाचा सस्पेन्स अखेर संपलाय. काँग्रेसने ज्येष्ठ नेते व्ही. डी. सतीशन यांच्या नावावर आज शिक्कामोर्तब केलं आहे.

व्ही. डी. सतीशन हे केरळचे नवे मुख्यमंत्री म्हणून शपथ घेतील. के. सी. वेणुगोपाल आणि रमेश चेन्निथला यांच्यासारख्या दिग्गजांना मागे टाकत हायकमांडने सतीशन यांच्याकडे राज्याची धुरा सोपवली आहे. २०२१ ते २०२६ या काळात व्ही. डी. सतीशन यांनी विधानसभेत विरोधी पक्षनेते म्हणून अत्यंत आक्रमक आणि प्रभावी कामगिरी केली होती. याचेच फळ त्यांना या सर्वोच्च पदाच्या रूपाने मिळाले आहे. व्ही. डी. सतीशन यांचा लवकरच शपथविधी होणार आहे. या सोहळ्यासाठी राहुल गांधी उपस्थित राहण्याची शक्यता आहे.