कॉमेडियन कुणाल कामरा आणि ठाकरे गटाच्या नेत्या सुषमा अंधारे यांच्यावर हक्कभंगाचा प्रस्ताव आणण्यात आला होता. त्याप्रकरणी ते आज हक्कभंग समितीपुढे जबाब नोंदवण्यासाठी आले होते. पण मूळ तक्रारदार प्रवीण दरेकर नसल्याने आता ही सुनावणी १० मार्चला होणार आहे.

हक्कभंगाचा प्रस्ताव का आणला होता?

कॉमेडियन कुणाल कामराने एकनाथ शिंदे यांच्याबाबत आक्षेपार्ह आणि विडंबनात्मक गाणे गायले होते. तर सुषमा अंधारे यांनीही एकनाथ शिंदे यांच्यावर टीका केली होती, त्यामुळे त्यांच्यावर हक्कभंगाचा प्रस्ताव आणण्यात आला होता. त्यासाठी ते दोघेही विधीमंडळात हजर झाले होते. विधीमंडळात हक्कभंग समितीची बैठक झाली. या बैठकीत हक्कभंग प्रकरणी सुनावणी होणार होती.

यासाठी कुणाल कामरा आणि सुषमा अंधारे हे विधीमंडळात हजर झाले होते. परंतु मूळ तक्रारदार प्रवीण दरेकर नसल्याने ही सुनावणी झाली नाही. यामुळे ही सुनावणी १० मार्चला होणार आहे. यानंतर कुणाल कामरा यांनी माध्यमांशी संवाद साधला. मी संविधानाला मानतो. आज हक्कभंग समितीसमोर आलो होतो, पण आज सुनावणी झाली नाही. पुढच्या सुनावणीलाही येईन. माझ्यावर जो आरोप ठेवण्यात आलाय त्यावर मी त्यावेळी उत्तर देईन, असं कामरा यावेळी म्हणाला.