छत्रपती शिवाजी महाराजांची वाघनखं महाराष्ट्रात आणण्यात आली आहेत. महाराजांची वाघनखं साताऱ्याच्या संग्रहालयात आणली असून मुख्यमंत्री एकनाथ शिंदे यांच्या हस्ते वाघनखांचं उद्घाटन करण्यात आलं आहे. आजपासून सर्वांना महाराजांची वाघनखं पाहता येणार असल्याची माहिती समोर येत आहे. यावेळी छत्रपती घराण्यांचे वंशज उदयनराजे भोसले देखील उपस्थित होते. वाघनखांबद्दल बोलताना उदयनराजे भोसले हे भावूक झालेले देखील पाहायला मिळाले. यादरम्यान त्यांनी अफजलखानाच्या वधाचं वर्णन देखील केलं आहे.