घाटकोपरमध्ये होर्डिंग कोसळून मोठा अपघात झाला. या अपघातात आतापर्यंत १४ जणांचा मृत्यू झाला आहे. काही भाजप नेत्यांनी या प्रकरणी उद्धव ठाकरे यांना जबाबदार धरले आहे. पण यात उद्धव ठाकरेंचा काय संबंध असा सवाल छगन भुजबळ यांनी विचारला. तसेच होर्डिंगप्रकरणी राज्य सरकाराच सुनावले आहे. राज्यात सत्ता आमची, महापालिकेत प्रशासक आमचे आहेत त्यामुळे उद्धव ठाकरे यांचा काय संबंध असा प्रश्न छगन भुजबळ यांनी विचारला आहे. राज्यात असे बेकायदेशीर होर्डिंग्ज असतील तर त्यांच्यावर धडक कारवाई करावी असेही भुजबळ म्हणाले.