Chhagan Bhujbal News : राष्ट्रवादी काँग्रेसचे जेष्ठ नेते छगन भुजबळ शिवसेना उद्धव बाळासाहेब ठाकरे पक्षाच्या संपर्कात. सध्या छगन भुजबळ राष्ट्रवादी कॅाग्रेस पक्षात अस्वस्थ त्यामुळे छगन भुजबळ पुन्हा एकदा घर वापसीच्या तयारीत. छगन भुजबळ यांनी ठाकरे गटाचे नेते संजय राऊत आणि मिलिंद नार्वेकर यांची भेट घेतल्याची माहिती वरिष्ठ सूत्रांनी दिलीय. लोकसभा निवडणुकीत राष्ट्रवादी काँग्रेस अजित पवार गटाची मोठी पडझड झाल्यानंतर छगन भुजबळ पक्षनेतृत्वावर नाराज असल्याच्या बातम्यांमुळे ही भेट महत्त्वाची ठरत आहे. भुजबळ समर्थकांकडून दबाव वाढल्यानंतर छगन भुजबळ हे विविध राजकीय पर्याय शोधत असल्याची चर्चा आहे. त्यामुळे छगन भुजबळ यांची पुन्हा एकदा शिवसेना पक्षात घर वापसी करण्याबाबत आणि ज्येष्ठतेनुसार त्यांना सामावून घेण्याबाबत शिवसेना ठाकरे गटाच्या नेत्यांशी प्राथमिक बोलणी सुरू आहे अशी माहिती मिळतीये.