Chandrapur Flood Drone Visuals: चंद्रपूर जिल्ह्यात सलग तीन दिवस पडलेल्या पावसाने नदी नाले ओसंडून वाहत आहेत. आसपासच्या परिसराला नदीच्या पुराचा फटका बसला आहे. चंद्रपुरात बचाव पथकाने अंधारी नदीच्या पुरातून 100 वर्षीय वृद्धेची सुटका केली. ही वृद्ध महिला चंद्रपूर-मूल मार्गावरच्या प्रसिद्ध झोपला मारुती देवस्थान परिसरात वास्तव्याला होती. चंद्रपुरात सध्या पूरस्थिती आहे. हवामान विभागाकडून आज पूर्व विदर्भात मुसळधार पावसाचा इशारा देण्यात आलाय तर शाळा कॉलेजला सुट्टी देखील देण्यात आलीये. चंद्रपूर आणि भंडारा येथे रेड अलर्ट दिल्यामुळे जिल्हाधिकाऱ्यांनी सर्व शाळांना सुट्टी जाहीर केली आहे. चंद्रपुरातील मूल येथे उमा नदीच्या पुराने काठावरील शेतीचे मोठे नुकसान केले. पात्र सोडून पुराचे पाणी शेतात घुसले. गावाच्या वेशीपर्यंत पाणी पसरले. या पुराची भीषणता दाखवणारी दृश्ये विकास नावाच्या युवकाने ड्रोनद्वारे टिपली आहेत.