चंद्रपूर जिल्ह्यातील काँग्रेसनं भाजपचा दारुण पराभव केल्यानंतर कार्यकर्त्यांनी जोरदार जल्लोष केला. इतकेच नाही तर काँग्रेस नेते विजय वडेट्टीवार यांनी जबरदस्त डान्स केलाय. नगरपरिषद व नगरपंचायतीच्या निवडणुकीत काँग्रेसने भाजपचा दारुण पराभव करत जिल्ह्यात ११ पैकी ७ नगरपरिषदांवर विजय मिळवलाय. काँग्रेसच्या या मोठ्या यशात आमदार आणि विधिमंडळ पक्षनेते विजय वडेट्टीवार हे किंगमेकर ठरले. नगरपरिषद आणि नगरपालिकेत विजय मिळल्यानंतर मोठा जल्लोष करण्यात आला. काँग्रेस पक्षाच्या वतीने शहरामध्ये गुलाल उधळत,फटाक्यांची आतषबाजी करत सर्वत्र जल्लोष साजरा करण्यात आला. यावेळी विजय वडेवट्टीवार यांनी ढोल ताशाच्या तालावर ठेका धरला.