बुलढाण्याच्या खामगाव शिर्डी मार्गावर बस पलटी झाली आहे. वाहणाला वाचवण्याच्या प्रयत्नात डिव्हायडरवर धडकून बस पलटी झाल्याची माहिती समोर येत आहे. या बस मध्ये एकूण 34 प्रवाशी होते त्यामधील ६ प्रवाशी किरकोळ जखमी झाले आहेत. राष्ट्रीय महामार्ग क्रमांक 6 वर धरणगांव जवळील फौजी ढाब्यासमोर हा अपघात झाला आहे. खामगांव आगाराची बस क्रमांक MH40Y5576 ही बस खामगाव कडून शिर्डी कडे जात होती. समोर येत असलेल्या वाहणाला वाचवण्याच्या प्रयत्नात बस पलटी झाल्याची माहिती मलकापूर आगार प्रमुख मुकुंद न्हावकर यांनी दिली आहे.