Karnataka Accident News : शाळकरी मुलीसमोरच आईच्या अंगावर भरधाव येणारी रिक्षा पडली. मुलीनं कोणताही विचार न करता एका झटक्यात ती रिक्षा उचलत आईचा जीव वाचवला.. हा काही एखाद्या चित्रपटातील प्रसंग नाही, तर कर्नाटकमधील मंगळुरु येथे घडलेला खरी घटना आहे, या घटनेच्या व्हिडीओनं सोशल मीडियात चर्चेला उधाण आलेय. नेटकरी त्या धाडसी मुलीचं कौतुक करत आहेत.

घटना काय घडली होती ?

कर्नाटकातील मंगळुरु येथे किन्नीगोली भागात रविवारी भीषण अपघात झाला, त्याचा व्हिडीओ सध्या व्हायरल झाला आहे. ट्यूशनला गेलेल्या मुलीला घरी परत आणण्यासाठी जाणाऱ्या महिलेचा रस्ता ओलांडताना अपघात झाला. भरधाव ऑटोनं त्या महिलेला जोरदार धडक दिली. तो ऑटो त्या महिलेचया अंगावर कोसळला. मुलीच्या डोळ्यादेखत हा अपघात झाला. आईच्या अंगावर रिक्षा कोसळल्यानंतर मुलीने न घाबरता, न डगमगता धावत जात ऑटो उचलला. हृदयाचा थरकाप उडवणाऱ्या या क्षणाचा व्हिडिओ व्हायरल झालाय.