पालकमंत्री आशिष शेलार यांच्या समोरच भाजपा कार्यकर्त्यांमध्ये हाणामारी झाली. धक्काबुक्की होत असताना भाजप कार्यकर्ते आशिष शेलारांच्या गाडीवरच पडले दरम्यान भाजप पदाधिकारी देवांग दवे आणि फेरीवाल्यांना रोखल्यामुळे कार्यकर्त्यांमध्ये झटापट झाल्याची माहिती मिळतेय. दोन्ही बाजूचे कार्यकर्ते समता नगर पोलीस ठाणे मध्ये तक्रार देण्यासाठी दाखल झाले.कांदिवली पूर्व येथील जुनापाडा येथे ही प्रकार घडला. पालकमंत्री आशिष शेलार हे जुनापाडा येथील रहिवासी पदाढीकऱ्यांना भेटायला आले होते.

येथील रहिवासी सध्या वनजमिनीच्या मालकी वादावरून अडचणीत आहे. ही वनजमीन आहे की नाही या मानस्थितीमुळे इथल्या लोकांना मूलभूत सुविधा उपलब्ध होत नाहीये. यामुले ते लोकांची भेट घ्यायला आले होते. यावेळी भाजपच्या स्थानिक 2 गटामध्ये वाद झाला. या वादाचे रूपांतर तुंबळ हाणामारीत झाले आणि आशिष शेलार यांच्यासमोरच कार्यकर्ते हे एकमेकांना लाथा, बुक्यांनी मारू लागले. या प्रकारचा व्हिडिओ सध्या सोशल मीडियावर चांगलाच व्हायरल होत आहे.