पुणे जिल्ह्यातील वैष्णवी हगवणे हत्या प्रकरणामुळे संपूर्ण राज्यभरात संतापाची लाट उसळली आहे. उपमुख्यमंत्री अजित पवार यांनी देखील राजेंद्र हगवणे आणि त्याच्या कार्ट्याला पक्षातून हकालपट्टी करत त्या दोघांना तत्काळ अटक करण्याचे आदेश दिले होते. यानंतर या दोघा बाप लेकाला पोलिसांनी पहाटेच्या सुमारास अटक केली होती.

त्यानंतर आता भारतीय जनता पार्टी शहर महिला आघाडीच्यावतीने पुण्यातील आरोपी राजेंद्र हगवणे व त्याचा मुलगा शशांक हगवणे यांच्या विरुद्ध शिवाजीनगर कोर्ट परिसरात आंदोलन केले होते. पोलिसांनी अटकेननंतर हगवणे पिता-पुत्राला आज दुपारी न्यायालयात हजर केले त्यावेळी भाजप महिला आघाडीने कोर्ट परिसरात आंदोलन करत त्यांच्या विरोधात तीव्र घोषणाबाजी केली आणि त्यांच्या अंगावर टोमॅटो फेकले.