पुणे येथे मे महिन्यात अहिल्यादेवी होळकर पुण्यतिथी निमित्त भव्य सोहळ्याचे आयोजन करण्यात आले आहे. कार्यक्रमाचे आयोजन भारतीय जनता पक्षाचे आमदार गोपीचंद पडळकर यांनी केले आहे. या कार्यक्रमाला देशाचे गृहमंत्री अमित शाह, देवेंद्र फडणवीस आणि एकनाथ शिंदे यांना निमंत्रण देणार आहे. मात्र, उपमुख्यमंत्री अजित पवार यांना निमंत्रण देणार नसल्याचे त्यांनी स्पष्ट सांगितले. एकनाथ शिंदे, देवेंद्र फडणवीस यांना बोलावणार आहोत आणि इतर कोणी मंडळी असतील तर त्यांना त्या-त्या वेळी निमंत्रण देऊ.. पण अजित पवार यांना बोलावणार नाही असे पडळकर म्हणाले. अजित पवार हे सरकारमधीलच आहे तरी बोलावणार नाही का? असा सवाल विचारल्यावर पडळकर म्हणाले, हा कार्यक्रम सरकारचा नाही..