मुंबई : कॉंग्रेसच्या दारी लोटांगण घालून उद्धव ठाकरेंचा बौद्धिक विकास खुंटला, असा हल्लाबोलच भाजपचे प्रदेशाध्यक्ष चंद्रशेखर बावनकुळे यांनी केलाय. सत्तेसाठी लाचार उद्धव ठाकरेंनी हिंदुत्वाला तिलांजली दिली. बांगलादेशातील हिंदुंची ठाकरे थट्टा करत आहे, अशी टीका देखील चंद्रशेखर बावनकुळे यांनी केलीय. उद्धव ठाकरेंनी बांगलादेशाचा दौरा करावा, असा टोला देखील बावनकुळेंनी लगावला आहे.

हिंदूंच्या हत्या, लूटमार, महिलांवर अनन्वित अत्याचार, मंदिरांवर हल्ले होणार नाहीत, यासाठी उद्धव ठाकरे यांनी पुढाकार घ्यावा अशी मागणी देखील चंद्रशेखर बावनकुळेंनी केलीय. बांगलादेशामधील सत्तापरिवर्तन त्यानंतर हिंदू, बौद्ध आणि तिथल्या अल्पसंख्यांक समुदायाविरोधात सुरू असलेली हिंसा हा अत्यंत गंभीर विषय आहे, असं भाजपचे प्रदेशाध्यक्ष चंद्रशेखर बावनकुळे यांनी म्हटलंय. उद्धव ठाकरेंच्या दिल्लीनंतर भाजपने त्यांच्यावर हल्लाबोल केल्याचं दिसत आहे.