आखाती युद्धामुळे देशात इंधनाचा तुटवडा निर्माण झाला आहे. त्यामुळे पंतप्रधान नरेंद्र मोदी यांनी देशाला आवाहन केले आहे की, गाड्यांचा वापर न करता मेट्रो आणि बसचा वापर करावा जेणेकरून इंधन बचत होईल. तसेच ऑफिसमध्ये काम करणाऱ्यांना वर्क फ्रॉम होम देण्याचे आवाहन ही मोदींनी केलेय. एक वर्ष विदेश यात्रा टाळावी आणि सोने खरेदी न करण्याचा न सल्ला मोदी यांनी दिला आहे. एकीकडे मोदी देशवासियांना इंधन बचत करण्याचा सल्ला देत आहे आणि दुसरीकडे भाजपचे नेते या सगळ्याला पायदळी तुडवत आहे. मुंबई भाजपचे अध्यक्ष अमित साटम हे विकासकामाची पाहणी करायला गेले असताना त्यांच्या गाडीमागे तब्बल 25 गाड्यांचा ताफा पाहायला मिळाला. यावरून नागरिकांनी संताप व्यक्त केला असून हे सगळे नियम फक्त सामान्यांनाच आहे का? असा सवाल लोक विचारत आहे.