भाजपने विधानसभा निवडणुकीसाठी आपल्या 25 उमेदवारांची तिसरी यादी सोमवारी जाहीर केली. त्यात पक्षाने काँग्रेसचे बंडखोर नेते तथा विद्यमान आमदार जितेश अंतापूरकर यांना देगलूर राखीव विधानसभा मतदारसंघातून उमेदवारी दिली आहे. तर कारंजा येथून सई डहाके, सावनेर येथून आशिष देशमुख, मूर्तिजापूर येथून हरीश पिंपळे यांना मैदानात उतरवले आहे.
एकंदरीतच आधीच्या दोन्ही याद्या आणि ही यादी पहिली असता यात देवेंद्र फडणवीस यांचा वरचष्मा असल्याचं बघायला मिळत आहे. फडणवीस यांचे निकटवर्तीय आणि इतर पक्षातून फडणवीस यांच्यामुळे भाजपमध्ये आलेल्यांना या याद्यांमधून उमेदवारी देण्यात आली आहे. यापूर्वी भाजपने 121 उमेदवार जाहीर केले आहेत. आजची 25 उमेदवारांची यादी मिळून भाजपकडून आतापर्यंत 146 उमेदवारांची नावं घोषित करण्यात आली आहेत.
Edited By Rakhi Rajput
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.