राज्यातील 29 महापलिका निवडणुकीला आता वेग आला आहे. पुणे महापालिका निवडणुकीमध्ये भाजपने प्रभाग क्रमांक 2 मधून पूजा मोरे यांना उमेदवारी दिली होती. मात्र या उमेदवारीवरून प्रचंड टीका पक्षातील कार्यकर्त्यांनी केली भाजपवर केली होती. त्यामुळे अखेर पूजा मोरे यांनी त्यांचा उमेदवारी अर्ज मागे घेतला आहे.

पूजा मोरे यांना उमेदवारी मिळाल्यानंतर त्यांना भाजप कार्यकर्त्यांनी मोठ्या प्रमाणावर ट्रोल केले होते. ट्रोलिंगमुळे पूजा मोरेला पुणे मनपाची उमेदवारी अर्ज मागे घेतला आहे. प्रभाग क्रमांक 2 मधून भाजपने त्यांना तिकीट दिले होते. ट्रोलर्सने पूजा मोरे यांनी मुख्यमंत्री देवेंद्र फडणवीस यांच्याबद्दल केलेले टीकेची व्हिडिओ व्हायरल केले होते. यामुळे त्यांना प्रचंड टीकेचा सामना करावा लागला आणि आज त्यांनी अर्ज मागे घेतला. यावेळी पूजा मोरे आणि त्यांचे पती धनंजय जाधव हे ढसाढसा रडले. आमच्या विरोधात षड्‍यंत्र रचण्यात आले आणि आम्हाला त्याच्या प्रचंड वेदना आहे अशा भावना मोरे यांनी व्यक्त केल्या.