मुंबई महापालिकेत महापौर, उपमहापौर आणि विषय समित्यांवरील अध्यक्षपदी कोणाची वर्णी लागणार, याकडे साऱ्यांचं लक्ष लागलं आहे. आज रात्री किंवा उद्या मुख्यमंत्री देवेंद्र फडणवीस आणि उपमुख्यमंत्री एकनाथ शिंदे यांची मुंबई महापालिकेसाठी बैठक होणार असल्याची माहिती खात्रीलायक सूत्रांनी दिली आहे.

मुख्यमंत्री देवेंद्र फडणवीस आणि उपमुख्यमंत्री एकनाथ शिंदे या दोघांच्या बैठकीत महापौर, उपमहापौर, विषय समित्यांवर कोणाची वर्णी लागणार या संदर्भात निर्णय घेण्यात येणार आहे. येत्या ७ फेब्रुवारी रोजी मुंबईचा महापौर आणि उपमहापौर कोण होणार हे स्पष्ट होणार आहे. येत्या ७ तारखेला उमेदवारी अर्ज भरण्यास तारीख निश्चित होणार असल्याने मुंबईचा महापौर आणि उपमहापौर कोण होणार तेव्हाच स्पष्ट होणार आहे.