पंतप्रधान नरेंद्र मोदी यांच्या हस्ते उद्या पालघर मध्ये वाढवण बंदराच्या भूमिपूजनाचा सोहळा पार पडणार असून सध्या या ठिकाणी पालघर जिल्हा प्रशासन आणि जेएनपीए कडून सभा मंडप उभारण्याचं काम अंतिम टप्प्यात आलं आहे. साधारणतः 40 ते 45 हजार लोक बसतील इतक्या भव्य स्वरूपात हा सभा मंडप उभारण्यात येत असला तरी हा सभा मंडप उभारताना प्रशासनाची चांगलीच दमछाक झालेली पाहायला मिळते. मागील दहा दिवसांपासून पालघर जिल्ह्यात सुरू असलेल्या मुसळधार पावसामुळे या सभा मंडप ठिकाणी मोठ्या प्रमाणावर चिखल पडला असून या भूमिपूजनाच्या कार्यक्रमासाठी अवघे काही तास शिल्लक असल्याने प्रशासनाची चांगली तारांबळ उडालेली पाहायला मिळते. पालघरच्या सिडको मैदानाजवळ हा सभा मंडप उभारण्याचं काम सध्या प्रशासनाकडून हाती घेण्यात आल असून या ठिकाणी कोकण परिक्षेत्रातून 5000 पोलीस अधिकारी आणि कर्मचारी दाखल झाले आहेत.