राज्यात आज 29 महापालिकांची मतदान प्रक्रिया सुरू आहे. मात्र सकाळपासूनच निवडणूक आयोगाचा भोंगळ कारभार सुरू असल्याचे दिसून येत आहे. ज्या पक्षाच्या चिन्हाच्या समोर बटन दाबले असता दुसऱ्याच पक्षाच्या चिन्हासमोर लाईट लागल्याचा प्रकार देखील समोर आला. भिवंडी शहरातील नवी वस्ती येथील प्रभाग क्रमांक 15 मध्ये मराठी शाळेत असलेल्या बूथ क्रमांक 17 मधील ईव्हीएम मशीन दोन तास बंद झाली होती. ईव्हीएम मशीन बंद झाल्याने या ठिकाणी काही काळ गोंधळ निर्माण झाला होता. बूथ अधिकाऱ्यांनी ईव्हीएम मशीन बदलल्या नंतर दोन तासांनी मतदान सुरळीत झाले. मात्र तोपर्यंत या बूथवर मोठी गर्दी जमली होती.अनेक महिला व मतदार मातदानासाठी ताटकळत बसले होते.