कोकणातील मासेमारी आणि परराज्यातील बोटींच्या घुसखोरीवरून विधानसभेत ठाकरे गटाचे आमदार भास्कर जाधव आणि मत्स्यव्यवसाय मंत्री नितेश राणे यांच्यात खडाजंगी पाहायला मिळाली. जणसभागृहात एखादा प्रश्न विचारला म्हणून चिडायचं नसतं, त्यासाठी बाहेर मैदान मोकळंय अशा शब्दात भास्कर जाधवांनी नितेश राणेंना सुनावले. यावेळी बोलताना भास्कर जाधव यांनी आपण मत्स्यविकास राज्यमंत्री असताना केलेल्या कामाचा दाखला दिला. यावर नितेश राणे यांनीही भास्कर जाधवांना प्रत्युत्तर दिले. काही लोकांना कितीही चांगलं बोललं तरी पण त्यांना तो राग येतो असा टोला राणेंनी लगावला. रत्नागिरी आणि सिंधुदुर्गमध्ये परराज्यातील बोटींच्या येण्यावरून हा वाद रंगला होता.