मंत्रिपदाची आस लावून बसलेल्या भरत गोगावले यांची एसटी महामंडळाच्या अध्यक्षपदी वर्णी लागली आहे. मात्र यावर 2 दिवस नाराज असलेल्या गोगावलेंनी अखेर एसटी महामंडळाच्या अध्यक्षपदाचा पदभार स्वीकारलाय.

भरत गोगावले हे अखेर एसटी महामंडळाचे अध्यक्ष झालेले आहेत. दोन दिवसांच्या नाराजी नंतर त्यांनी सोमवारी हा पदभार स्वीकारला आहे. रविवारीच त्यांनी मी अजून पदभार स्वीकारलेला नाही असं म्हंटलं होतं. मात्र सोमवारी आपली नाराजी सोडून त्यांनी हे पद स्वीकारलं आहे. अनेकदा गोगावले यांना मंत्रीपद मिळतामिळता राहिलं होत. त्याबद्दल त्यांनी नाराजी देखील व्यक्त केली होती. त्यावर त्यांची बोळवण एसटी महामंडळाचं अध्यक्षपद देऊन करण्यात आली. गोगावले यांची मनधरणी करण्यासाठी त्यांना हे पद दिलं असल्याची चर्चा देखील राजकीय वर्तुळात होती.