Bhagwan Gad Namdev Shastri : बीडच्या मस्साजोग गावचे सरपंच संतोष देशमुख यांच्या हत्या प्रकरणामुळे महाराष्ट्रात राजकारण तापले आहे. काही दिवसांपूर्वी धनजंय मुंडे यांनी भगवानगडावर जाऊन महंत नामदेव शास्त्री महाराज यांची भेट घेतली होती. आज (२ फेब्रुवारी) संतोष देशमुख यांचे बंधू धनजंय देशमुख त्यांच्या कुटुंबीयांसह भगवानगडावर दाखल झाले.

देशमुख कुटुंबीयांनी भगवान गडावर पोहचल्यावर संत भगवानबाबा समाधी मंदिरात दर्शन घेतले. त्यानंतर त्यांनी महतं नामदेव शास्त्री महाराज यांची भेट घेतली. देशमुख कुटुंब आणि नामदेव शास्त्री महाराज यांच्यामध्ये चर्चा झाली. देशमुख कुटुंबाने हत्या प्रकरणाचे सर्व पुरावे नामदेव शास्त्रीच्या समोर सादर केले. धनजंय देशमुख यांनी 'देशमुख कुटुंबीयांनी कधीही जातीवाद केला नाही. माझ्या भावाकडून दलित बांधवाला वाचवण्याचा प्रयत्न झाला' असे म्हटले. तर भगवान गड संतोष देशमुख यांच्या कुटुंबीयांच्या पाठिशी असल्याचे नामदेव शास्त्री महाराज यांनी सांगितले. तसेच आरोपींना आम्ही पाठिशी घालणार नाही असे आश्वासन शास्त्री महाराज यांनी देशमुख कुटुंबीयांना दिले.