बीड जिल्ह्यातील किल्ले धारूर येथील सरस्वती प्राथमिक शाळेत चक्क शिक्षक आणि क्लर्क यांच्यात हाणामारी झाल्याची धक्कादायक घटना घडली आहे. प्राथमिक माहितीनुसार, शिक्षक विजय काळे यांनी क्लर्क प्रदीप शेटे यांच्यावर अंगावर पाणी आल्याच्या कारणावरून मारहाण केली. यानंतर संतप्त झालेल्या लिपिकाने आपल्या नातेवाईकांना शाळेत बोलावून घेत शिक्षक विजय काळे यांना जबर मारहाण केली. ही संपूर्ण घटना शाळेतील सीसीटीव्ही कॅमेऱ्यात कैद झाली असून, काल 1 ऑगस्ट दुपारी 12:30 च्या सुमारास ही धक्कादायक घटना घडली.

दरम्यान, अद्याप या प्रकरणी पोलीस ठाण्यात कोणतीही तक्रार दाखल करण्यात आलेली नाही. शाळेत विद्यार्थी आणि इतर कर्मचाऱ्यांपुढे घडलेला हा प्रकार म्हणजे शैक्षणिक वातावरणाला गालबोट लावणारा आहे.