बीडच्या गेवराई तालुक्यात वाल्मिक कराडच्या समर्थनार्थ ओबीसी बांधव आक्रमक झालेले बघायला मिळत आहे. याठिकाणी गेवराईच्या वडगाव फाट्यावर रस्ता रोको करण्यात आला आहे.

वाल्मिक कराड याला खंडणी प्रकरणात मकोका लावला आहे. त्यानंतर आता कराड समर्थक् आक्रमक झालेले बघायला मिळत आहे. आज परळी बंदची हाक दिलेली असतानाच आता गेवराईमध्ये देखील ओबीसी बांधवांनी बीड- सोलापूर महामार्ग अडवला असून वडगाव फाटा येथे रास्ता रोको करण्यात येत आहे. यावेळी जोरदार घोषणाबाजी देखील सुरू आहे. वाल्मिक कराडवर दाखल करण्यात आलेले गुन्हे हे खोटे असून तात्काळ मागे घेण्यात यावे, अशी मागणी आंदोलकांकडून करण्यात येत आहे. ओबीसी नेते परमेश्वर वाघमोडे यांच्यासह आंदोलक आक्रमक झालेले बघायला मिळत आहे.