सरपंच संतोष देशमुख हत्या प्रकरणात बीड कारागृहात चार आरोपींची ओळख परेड होणार आहे. सुदर्शन घुले, जयराम चाटे, प्रतिक घुले आणि महेश केदार यांची ओळख परेड केली जाणार आहे. या प्रकरणातील आरोपी कृष्णा आंधळे हा अजूनही फरारच आहे. त्याची माहिती देणाऱ्यावर बक्षीस देखील ठेवण्यात आलेलं आहे. अशातच आता अटकेत असलेल्या चार आरोपींची ओळख परेड केली जाणार असल्याचं सांगण्यात आलं आहे.

बीडच्या मस्साजोग येथील माजी सरपंच संतोष देशमुख यांच्या हत्येचं प्रकरण गेल्या दीड महिन्यापासून राज्यात गाजत आहे. या प्रकरणातील ७ आरोपींना सध्या पोलिसांनी तब्यात घेतलेलं आहे. त्यांच्यावर मकोका देखील लावण्यात आलेला आहे. या प्रकरणाच्या तपासाला वेग आलेला असतानाच आता यातील चार आरोपींची ओळख परेड केली जाणार आहे. बीडच्या कारागृहात ही ओळख परेड होणार आहे. सुदर्शन घुले, जयराम चाटे, प्रतिक घुले, महेश केदार यांची ही ओळख परेड होणार आहे.