योगेश काशिद, साम टीव्ही, प्रतिनिधी

बीडच्या धारूर शहरात पुन्हा एक धक्कादायक प्रकार समोर आला आहे. हातात कोयता घेऊन शोरूम मालकाला मारण्याच्या उद्देशाने आलेला एक जण सीसीटीव्ही कॅमेरात कैद झाला आहे. त्याने कोयता शोरूमच्या काचेच्या दरवाजावर मारल्याने दरवाजा फुटला. हल्लेखोराला वेळीच रोखल्याने मोठा अनर्थ टळला. या संदर्भात शोरूम मालकाच्या तक्रारीवरून आरोपी अनिल भगवान चाटे याच्या विरोधात धारूर पोलीस ठाण्यात गुन्हा दाखल करण्यात आला. आरोपीला ताब्यात घेऊन चौकशी करून सोडून दिल्यानंतर पुन्हा आरोपीने येऊन धमकी दिल्याचा आरोप व्यापाऱ्याने केला आहे. या संपूर्ण प्रकरणामुळे धारुर शहरात दहशत निर्माण झाली आहे.