मुंबई : खासदार सुप्रिया सुळे यांचा फोन हॅक झाल्याचं समोर आलंय. सुप्रिया सुळे यांनी फोन आणि मेसेज न करण्याचं समाज माध्यमांवर आवाहन केलंय. फोन हॅक झाल्याचं दौंडमधील शिवस्वराज्य यात्रेदरम्यान सुप्रिया सुळे यांच्या लक्षात आल्याची माहिती मिळतेय. व्हाट्सअॅप बंद असून देखील शेजारीच बसलेल्या जयंत पाटलांना सुप्रिया सुळे यांच्या फोनवरून मेसेज आला होता. त्यावरून सुप्रिया सुळे यांच्या लक्षात आलं की, त्यांचा फोन हॅक झालाय. त्यांनी तात्काळ पोलिसांना बोलवून याबद्दल सांगितलं आणि समाज माध्यमांवर देखील माहिती दिलीय.

माझा फोन बंद आहे. मात्र, माझा फोन कोण वापरत आहे, हे माहीत नाही. मी पोलिसांमध्ये तक्रार दिलीय. मी बराच वेळ फोनवर व्यस्त होते. कारण, माझा फोन हॅक झाला होता अशी प्रतिक्रिया देखील सुप्रिया सुळे यांनी दिलीय.