बीड येथे आज बंजारा समाजाला आरक्षण द्यावे ही मागणी करत मोठा मोर्चा निघाला होता. यावेळी मोर्चात माजी मंत्री धनंजय मुंडे यांनी भाषणा दरम्यान एक वक्तव्य केले यावरून चांगलाच वाद उफाळला. धनंजय मुंडे यांनी बंजारा समाजाबाबत केलेल्या विधानात म्हटले की बंजारा आणि वंजारा एकच आहे, या शब्दांमुळे समाजाचे काही बांधव संतप्त झाले होते आणि मोर्चामध्ये आक्रमक होत घोषणाबाजी केली आहे.

बंजारा समाजाचे बांधव म्हणतात की, वंजारा-बंजारा एक नाही. यापूर्वीच आमच्या ताटातले अडीच टक्के आरक्षण घेतले गेले आहे. आता अशा विधानामुळे समाजात गैरसमज निर्माण होत आहे. सामाजिक संघटनांच्या प्रतिनिधींनी या वक्तव्यावरून मागणी केली आहे की, धनंजय मुंडे यांनी ‘वंजारा-बंजारा एक आहे’ हा शब्द मागे घ्यावा. मोर्चामध्ये घोषणाबाजी करत समाजाने आपली भूमिका स्पष्ट केली आहे.