जगात असा कुणीही नसेल ज्याला डोनाल्ड ट्रम्प माहित नसेल. मात्र ट्रम्प यांच्यामुळे असाच एक रेडा मोठ्या चर्चेत आलाय. कसा आणि कुठे आहे हा रेडा ? पाहूयात हा रिपोर्ट...

दिसायला गोरापाण. आगानं गुबगुबीत. डोळं निळं झ्यार. केसांची स्टाईल वनसाईड. तोंडवर करुन बघायची स्टाईल बघितल्यावर कुणाची आठवण येतीय हं. बरोबर या रेड्याची सोशल मीडियावर ट्रम्प रेडा म्हणून जोरदार चर्चा हाय...

सध्या ह्यो रेडा चांगलाच भाव खावून गेलाय. बांगलादेशच्या बाजारात ह्यो ट्रम्प रेडा आलाय. जसा ट्रम्पचा रुबाब तसाच या रेड्याचा रुबाब हाय. पठ्ठ्याचं केस इचरायला एक माणूस. हिंडवायला एक माणूस अन् आंघुळीला एक माणूस. जशी ट्रम्पच्या सुरक्षेसाठी फौज तशी रेड्याच्या दिमतीला माणसं. पण दोघात एक फरक. तात्याचं असंल जगात वजन. पण ह्यो रेड्यापण वजनात हाय.

200 -300 नाय तर ह्यो जनावर हाय 700 किलोचं. पठठ्याचं फॅन ट्रम्प तात्या पेक्षा जास्त. जो येई तो सिल्फी काढल्या शिवाय काय पुढं जात नाईत. एकीकडं ट्रम्पनं उत आणलाय पण या रेड्यानं लोकांच्या तोंडावर हसू आणलंय असो. असं म्हणत्यात जगात एकसारखी सात माणसं दित्यात पण माणसासारखं प्राणी बी दिसायला लागल्यात ही पहिलीच येळ असल.