'जागा वाटपात भाजपने शिंदे गटात केलेला हस्तक्षेप लोकसभेला मारक ठरला', असं मोठं विधान बच्चू कडू यांनी केलं आहे. अमरावतीत नवनीत राणा यांच्या विरोधात सगळे अहवाल असताना देखील भाजपने त्यांना तिकीट दिलं. मात्र शिंदे गटाला तिकीट देताना सर्व्हेचा नियम लावला, असंही बच्चू कडू यांनी म्हंटल आहे. तर दुसरीकडे अजित पवार यांचे आमदार विधानसभेला शरद पवारांकडे जाऊ शकतात, असा दावाही कडू यांनी केला आहे.

बच्चू कडू यांच्या या विधानामुळे राजकीय वर्तुळात मोठी खळबळ उडाली आहे. ''लोकसभेला अमरावतीतून नवनीत राणा पडतील हे सगळ्या सर्व्हेमध्ये स्पष्ट असताना देखील भाजपने सगळे विरोध पाहूनही त्यांना तिकीट दिलं. मात्र शिंदे गटाच्यावेळी सर्व्हे बरोबर नाहीत म्हणून तिकीट देताना नियम लावले. त्यामुळे जागा वाटपात भाजपने केलेला हा हस्तक्षेप शिंदे गटाला लोकसभेत मारक ठरला आहे. म्हणजे मतदारसंघ शिवसेनेकडे अन् उमेदवार ठरवतो भाजप, अशी परिस्थिति आहे.'' असा गंभीर आरोप बच्चू कडू यांनी केलं आहे. तर आगामी विधानसभेत अजित पवार यांच्या राष्ट्रवादी गटाचे आमदार शरद पवार यांच्या गटात जातील असा दावा देखील कडू यांनी केला आहे.