Baba Siddique Death News : माजी मंत्री आणि राष्ट्रवादीचे नेते बाबा सिद्दीकी यांच्यावर शनिवारी रात्री तीन ते चार जणांनी धडाधड गोळ्या झाडल्या. यामध्ये बाबा सिद्दीकी यांचा मृत्यू झाला. या हल्लेखोरांना अटक करण्यात आले असून पुढील तपास सुरु आहे. मिळालेल्या माहितीनुसार या हल्ल्यामागे लॉरेन्स बिश्नोई गँगचा हात आहे. लॉरेन्स बिश्नोई कनेक्शन समोर आल्यानंतर मुंबई पोलिसांनी तात्काळ सलमान खान याच्या सुरक्षेत वाढ केली आहे.

बाबा सिद्दीकी यांच्या हल्ल्यामागे लॉरेन्स बिश्नोई गँगचा हात असल्याचं उघड झाले आहे. सलमान खान हा या गँगच्या रडारावर पहिल्यापासून आहे. अनेकदा त्याला धमक्याही आल्या आहेत. बाबा सिद्दीकी आणि सलमान खान यांचे जवळचे संबंध होते. पोलिसांनी तात्काळ सलामान खान याच्या सुरक्षेत वाढ केली आहे. घराबाहेर पोलिसांचा फौजफाटा वाढवण्यात आलाय.

अभिनेता सलमान खान याला सिद्दीकी यांच्या निधनाची बातमी मिळताच रात्री अडीच वाजण्याच्या सुमारास वांद्रे येथील लीलावती रुग्णालयात दाखल झाला. राष्ट्रवादी काँग्रेसचे नेते बाबा सिद्दिकी आणि सलमान खान यांची मैत्री सर्वश्रुत आहे. बाबा सिद्दिकी यांचा गोळीबारात मृत्यू झाल्यानंतर त्यांचे पुत्र आमदार जीशान सिद्दिकी याचे सांत्वन करण्यासाठी सलमान रात्री अडीच वाजता वांद्रे येथील लीलावती रुग्णालयात पोहोचला होता.