अमराठी व्यापाऱ्यांनी केलेल्या शक्तीप्रदर्शनाला प्रत्युत्तर म्हणून मीरा-भाईंदर शहरात आज मनसे आणि मराठी एकीकरण समितीकडून मोर्चा काढण्यात येणारेय. मात्र, पोलिसांनी या मोर्चाला परवानगी नाकारत प्रतिबंधात्मक कारवाईला सुरुवात केलीय. त्यानुसार पोलिसांनी मनसे नेत्यांना नोटीस बजावण्यास सुरुवात केली आहे. मीरा भाईंदरमध्ये अमराठी भाषिकांनी काढलेल्या मोर्चालाल उत्तर म्हणून मनसेने मोर्चा काढण्याची घोषणा केली.

आज हा मोर्चा निघणार आहे. पण, पोलिसांनी मोर्चाला या मोर्चाला परवानगी आहे. मात्र तरीही मोर्चा काढणारच अशी भूमिका मनसेने घेतली. त्यांनंतर पोलिसांनी मनसेच्या प्रमुख पदाधिकाऱ्यांना धरपकड सुरू केली आहे. पोलिसांनी अविनाश जाधव यांना नोटीस बजावली होती. पण ते मोर्चामध्ये जाण्यास ठाम असल्यानंतर पहाटे त्यांच्यावर कारवाई करण्यात आली. पोलिसांनी अविनाश जाधव यांना मंगळवारी पहाटे 3 वाजता त्यांच्या घरी जाऊन ताब्यात घेतले. त्यानंतर अविनाश जाधव यांना काशिमीरा पोलीस ठाण्यात नेण्यात आले.