भोंदूबाबा अशोक खरात प्रकरणाच्या तपासाला वेग आला आहे. विकृत खरातने शेकडो महिलांचं लैंगिक शोषण केल्याचे उघड झाले आहे. अशोक खरातचे काळे कारनामे उघड करणाऱ्या ऑफिस बॉय नीरज जाधव देखील पोलिसांच्या ताब्यात आहे. शिर्डीत खरातचा ॲाफिस बॅाय नीरज जाधववर दाखल गुन्ह्यांत फिर्यादी महिलेची चौकशी करू नका म्हणून राष्ट्रवादीच्या महिला नेत्या रूपाली चाकणकरांनी दबाव टाकला होता. संबंधित महिलेचा महिला आयोगाकडे अर्ज मागवून घेऊन पोलिसांना कारवाई करण्याची धमकी दिली होती, असा आरोप आहे. त्यामुळे भोंदूबाबा अशोक खरात प्रकरणात एसआयटीमार्फत रूपाली चाकणकरांची चौकशी होण्याची शक्यता व्यक्त केली जात आहे. त्यामुळे रुपाली चाकणकरांच्या अडचणी वाढल्याच बोललं जात आहे.