भोंदू बाबा अशोक खरात प्रकरणात नवीन अपडेट समोर आली आहे. अशोक खरातच्या 40 ते 45 राजकीय नेते नियमित संपर्कात असल्याची माहिती सूत्रांनी दिली असून भोंदू अशोक खरातच्या मुलीच्या लग्न पत्रिकेतही सर्व सत्ताधारी आणि विरोधी पक्षांच्या नेत्यांची नाव असल्याची पत्रिका आता माध्यमांच्या हाती लागली आहे. तसेच अशोक खरातने राजकीय नेत्यांचे नाव कोडवर्डमध्ये सेव्ह केल्याचं पोलीस तपासातून समोर आले आहे. कोणताही राजकीय निर्णय घेण्यापूर्वी हे राजकीय नेते भोंदू अशोक खरातचा सल्ला घेत असायचे. निवडणुकीत फॉर्म भरण्यापूर्वी देखील राजकीय नेते अशोक खरातला वेळ आणि तारीख विचारत असत. खरातच्या मुलीच्या लग्नात प्रमुख पाहुणे एकनाथ शिंदे, चंद्रकांत पाटील, रूपाली चाकणकर आणि आशिष शेलार, दीपक केसरकर मिलिंद नार्वेकर यांचे नाव होते.