april installment of ladki bahin yojana : लाडक्या बहि‍णींच्या खात्यावर खटाखट १५०० रूपये येण्यास सुरूवात झाली. मंत्री आदिती तटकरे यांनी लाडक्या बहि‍णींच्या खात्यात लवकरच पैसे जमा होतील, असे ट्वीट करत सांगितले होते. खात्यात १५०० रूपये येण्यास सुरूवात झाल्यामु लाडक्या बहिणी आनंदात आहेत. पण लाडक्या बहिणींवा प्रत्येक महिन्याला १५०० रूपये देण्यासाठी सरकारच्या नाकीनऊ आल्याचे समोर आलेय.

राज्यातील दोन कोटी लाडक्या बहि‍णींना प्रत्येक महिन्याला १५०० रूपयांची आर्थिक मदत सरकारकडून केली जाते. पण हेच पैसे देण्यासाठी महायुती सरकारच्या नाकीनऊ आलेय. पैशांची चणचण असल्यामुळे सरकारची दमछाक होतेय. त्यामुळे राज्य सरकारने सामाजिक न्याय आणि आदिवासी खात्याचे पैसे वळवले आहेत. लाडक्या बहि‍णींसाठी राज्य सरकारने ७०० ते आठशे कोटींचा निधी वळवल्याचे समोर आलेय. एकूणच काय तर लाडकीला प्रत्येक महिन्याला १५०० रूपये देण्यासाठी महायुती सरकारची दमछाक होतेय.