राज्याचे हिवाळी अधिवेशन सुरू आहे या अधिवेशनामध्ये जन सुरक्षा विधेयक मंजूर झाले असून आता यावरून ठाकरे गटाचे आमदार अनिल परब यांनी सरकारवर जोरदार निशाणा साधला आहे. दोन दिवसापूर्वी शिंदे गटाचे मंत्री संजय शिरसाट यांचा बेडरूममधला एक व्हिडिओ व्हायरल झाला. यामध्ये संजय शिरसाट हे बनियनवर होते आणि सोबतच एक पैशांची बॅग देखील होती. यावरूनच अनिल परब यांनी विधानपरिषदेमध्ये मंत्र्यांच्या सुरक्षेतेवर प्रश्न उपस्थित केले.

परब म्हणाले, जनसुरक्षा बिलावर नेत्यांनी इथे मोठमोठी भाषणे केली. प्रविण दरेकरांनी तर दोन अडीच तास भाषण करून हा किल्ला लढवून हे विधेयक किती चांगले आहे हे सांगितले आणि जनतेची सुरक्षा करू याबाबत सविस्तर मांडणी केली.परंतु जनतेची सुरक्षा ठेवा बाजूला पहिले मंत्र्यांची सुरक्षा करा. कारण चड्डी बनियन गँग किंवा चड्डी टॉवेल गँगचे व्हिडिओ महाराष्ट्रात फिरता आहे. एखाद्या मंत्र्याचे बेडरूममधील व्हिडिओ जर बाहेर येत असेल तर मंत्रीच सुरक्षित नाही तर जनतेचे काय? ज्या मंत्रीला इनकम टॅक्सची नोटीस आहे.

त्यांची पैशाच्या बॅगेसोबत जर व्हिडिओ बाहेर येत असेल तर ही मोठी गंभीर बाब आहे. म्हणून याची उच्चस्तरीय चौकशी लावून हा आलेला व्हिडिओ खरा आहे का खोटा? हे फॉरेन्सिकला पाठवून याची माहिती घ्यावी आणि यावर एसआयटी स्थापन करावी अशी मागणी अनिल परब यांनी केली.