अमरावती येथे चक्क गुरांच्या पानवठ्यामधील पाणी दुधामध्ये मिसळण्याचा संतापजनक प्रकार समोर आला आहे. जे पाणी गायी पितात तेच उष्ट आणि अशुद्ध पाणी दुधात मिसळतानाचा व्हिडीओ समोर आला आहे. यामुळे अमरावती येथील लहान मुले तसेच नागरीकांचे आरोग्य धोक्यात जाण्याची शक्यता आहे. अमरावती एमआयसीतला हा धक्कादायक प्रकार सीसीटीव्ही कॅमेऱ्यात कैद झाला आहे. यात जे पाणी गुरं पितात, दुध विक्रेते त्याच पाण्याची भेसळ करताना दिसून येत आहे. या संतापजनक प्रकाराकडे अन्न आणि औषध विभाग लक्ष देणार का? असा सवाल आता विचारला जातो आहे.