शहापूर येथील वैतरणा नदीत बापलेक वाहून गेल्याची दुर्दैवी घटना घडली आहे. शनिवारी संध्याकाळी दोघे बापलेक वैतरणा नदी ओलांडून घरी जात असताना हा अपघात घडला. यात मुलीला वाचवण्यात ग्रामस्थांना यश आले आहे. तर या लहानग्या मुलीचे वडील मात्र वाहून गेले आहेत.

शनिवारी शहापूर गावातील काही लोक कामासाठी बाहेर गेलेली होती. यात काही शाळकरी मुलांचा देखील समावेश होता. संध्याकाळी गावात परतण्यासाठी नदी ओलांडत असताना अचानक पाण्याचा प्रवाह वाढल्याने ही घटना घडली. यावेळी वडिलांनी आपल्या लहानग्या मुलीला खांद्यावर बसवून ग्रामस्थांच्या स्वाधीन केले. मात्र यावेळी वाढत्या पाण्याच्या प्रवाहामुळे या चिमूकलीचे वडील नदीत वाहून गेले. त्यांचा शोध अद्याप सुरू आहे. तर कोणतीही पूर्व सूचना न देता धरणाचे पाणी सोडण्यात आल्याचा आरोप ग्रामस्थानी केला आहे. त्यामुळे ग्रामस्थ वैतरणा धारणावरती आज आंदोलन करण्यासाठी जमा झाले आहेत. आजूबाजूच्या गावांना सतर्कतेचा इशारा दिला असता तर ही घटना घडली नसती असे ग्रामस्थांचे म्हणणे आहे.