मुंबई : अमोल कीर्तिकर यांच्या समर्थकांनी ईडी कार्यालयाबाहेर जोरदार घोषणाबाजी केली. कथित खिचडी घोटाळाप्रकरणी अमोल कीर्तिकर यांची ईडी चौकशी करण्यात आली. या चौकशीविरोधात कीर्तिकर समर्थकांनी जोरदार घोषणा दिल्या. अमोल कीर्तिकर यांनी मुंबई उत्तर पश्चिम लोकसभा मतदार संघातून ठाकरे गटाने उमेदवारी दिली आहे. त्यानंतर त्यांच्या होत असलेल्या ईडी चौकशीवरुन राजकारण तापलंय. अमोल कीर्तिकर यांचे वडील गजानन कीर्तिकर हे शिंदे समर्थक आहे. तर अमोल कीर्तिकर यांनी शिंदेंना पाठिंबा न देता, ठाकरेंसोबत राहण्याचा निर्णय घेतला होता. कथित खिचडी घोटाळ्यावरुन अमोल कीर्तिकर यांच्यावर संजय निरुपम यांनीही गंभीर आरोप केलेत. या आरोपांनंतर आता चौकशीअंती कीर्तिकर यांच्याबाबत नेमका काय खुलासा होतो, हे पाहणं महत्त्वाचं ठरणार आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.