साम टीव्हीने घेतलेल्या महा एक्झिट पोलनुसार पुण्यापासून नागपूरपर्यंत आणि कोल्हापूरपासून जळगाव व वर्ध्यापर्यंत राज्यभरातील अनेक नगरपालिकांमध्ये कोणाची सत्ता येणार, कोण नगराध्यक्ष होणार, याचा अंदाज वर्तवण्यात आला आहे. महाराष्ट्रातील २४६ नगरपरिषदा आणि ४२ नगरपंचायतींसाठी मतदान पार पडलं आहे. पहिल्या टप्प्यात २ डिसेंबर रोजी, तर दुसऱ्या टप्प्यात २० डिसेंबर रोजी मतदान झालं. २१ डिसेंबर रोजी एकूण २८८ नगरपरिषदा आणि नगरपंचायतींचा निकाल जाहीर होणार आहे. कुणाची सत्ता येणार? नगराध्यक्ष कोण होणार? हे चित्र रविवारी स्पष्ट होणार आहे. मात्र त्याआधी, या सर्व ठिकाणांचा कल साम टीव्हीच्या महा एक्झिट पोलमधून समोर आला आहे.