छत्रपती संभाजीनगरमधील ठाकरे गटाचा अंतर्गत वाद हा उफाळून आल्याचे दिसून येत आहे. ठाकरे गटाचा मेळावा दोन दिवसापूर्वी संभाजीनगर शहरात अंबादास दानवे यांच्या नेतृत्वात पार पडला. मात्र या मेळाव्याला ठाकरे गटाचे जेष्ठ नेते माजी खासदार चंद्रकांत खैरे हे उपस्थित नसल्याने पुन्हा एकदा दानवे विरुद्ध खैरे हा संघर्ष समोर आला.

आज चंद्रकांत खैरे यांनी यावर बोलत दानवे यांच्यावर सडकून टीका केली. खैरे म्हणाले, मला अंबादास दानवेंनी मला काहीही सांगितलेले नाही. मी स्पष्टपणे सांगतो मी उद्धव ठाकरे यांना सांगणार आहे. तो अंबादस हा स्वतःला मोठा समजतो. तुम्ही आम्हाला कचरा समजत आहात का? अंबादास दानवे हे नंतर आलेले आहेत. नंतर येऊन ते काड्या करण्याचे काम करत आहेत असा जोरदार हल्लाबोल चंद्रकांत खैरे यांनी दानवेंना केला तर दानवे यावर बोलताना म्हणाले, चंद्रकांत खैरे का आले नाही हे त्यानांच विचारा असे दानवे म्हणाले.