अमरावती: बडनेरा येथील राम मेघे इंजीनियरिंग कॉलेजच्या जवळ असलेल्या अजाबराव पाटील वऱ्हाडी धाब्यावर बडनेरा येथील गुंड मयूर जगदीश कैथवास व त्याच्या सहकाऱ्यांनी ढाबाचालकाला व महिलेला चांगलीच मारहाण केली. वरिष्ठांकडे तक्रार केल्यास मर्डर करून टाकेल अशी धमकी दिली. या मारहाणीचा व्हिडिओ सध्या सोशल मीडियावर चांगलाच व्हायरल होत आहे. हा व्हिडीओ बडनेरा येथील ठाणेदार यांना देण्यात आला असता तरीही ठाणेदारांनी या आरोपींवर केवळ अदखलपात्र गुन्हे दाखल केले.

मयूर कैथवास याचेवर यापूर्वी देखील हत्या व हत्येच्या प्रयत्नाचे गुन्हे दाखल आहेत पोलीस आयुक्तांनी त्याचा तडीपारीचा देखील प्रस्ताव मंजूर केल्याची माहिती आहे. मात्र या आरोपीला ठाणेदार व काही पीएसआय अभय देत असल्याने ढाबाचालकामध्ये भीतीच वातावरण निर्माण झालेलं आहे.पोलीस आयुक्त याची दखल घेतली का असा प्रश्न आता निर्माण होत आहे.