उपमुख्यमंत्री अजित पवार यांनी उद्योगपती धीरूभाई अंबानी यांच्याबाबत केलेल्या वक्तव्याचा खुलासा केला आहे. माझ्याबद्दल एक निगेटिव्ह करण्याचा प्रयत्न चालू आहे. काही प्रसार माध्यमांनी माझ्याबद्दल काहीही दाखवलं.

पाहुणेवाडी येथील प्रचार सभेच्या वेळी मी असं म्हणालो की एकेकाळी या देशाची एक उद्योजक व्यक्ती म्हणजेच धीरूभाई अंबानी पेट्रोल पंपावर पेट्रोल सोडण्याचं काम करत होते. माझं विधान नीट ऐका, मी चॅनेल वाल्याला सांगू इच्छितो मी जर वेगळा काही शब्द वापरला असेल तर राजकारण सोडेल राजकारण असं म्हणत अजित पवारांनी प्रसार माध्यमांवरती नाराजी व्यक्त केली आहे.

बारामतीच्या पाहुणेवाडी येथील प्रचार सभेच्या वेळी अजित पवार यांनी बारामतीत केलेल्या विकास कामाबद्दल माहिती सांगताना विविध सहकारी संस्थांना पेट्रोल पंप दिले आहेत मी सहकार मोडीत काढायला निघालो नाही त्या पेट्रोल पंपावरती चार मुलांना रोजगार मिळतो. कोणतही काम छोट नसतं पेट्रोल सोडून धीरूभाई अंबानी उद्योजक झाले असा विधान केलं होतं. मात्र काही चॅनलला पेट्रोल चोरून धीरूभाई अंबानी उद्योजक झाले असं चालवण्यात आलं. त्यावरून अजित पवार यांनी संताप व्यक्त केला.

मागे मी बोललो होतो त्याची जबरदस्त किंमत मोजली आहे, आम्ही पण जबाबदार राजकारणी आहोत पण मिडियावाले काहीही चालवतात. मी लहानपणी धीरूभाई अंबानी हे पेट्रोल पंपावर पेट्रोल सोडत होते हे ऐकलं होतं. म्हणून मुद्दा मी उदाहरणासाठी त्या गोष्टीचा उल्लेख केला.ज्या मीडिया वाल्यांनी हे काम केलं त्यांच्याबाबत मी अतिशय खेद व्यक्त करतो. असं म्हणत अजित पवारांनी नाराजी व्यक्त केली आहे.