Roshni Sonaghare funeral in Dombivli : अहमदाबाद विमान दुर्घटनेत मृत्यू झालेली हवाई सुंदरी रोशनीला अखेरचा निरोप देण्यात आला. रोशनीवर अंत्यसंस्कार करण्यात आले. त्यावेळी डोंबिवली आणि परिसरात शोकाकुल वातावरण होते.

अहमदाबाद विमान दुर्घटनेत मृत्यू झालेल्या हवाई सुंदरी रोशनी सोनघरे हिची अंत्ययात्रा आज डोंबिवलीतील न्यू अमिया सोसायटी येथून निघाली. सकाळी तिचे पार्थिव अंत्यदर्शनासाठी ठेवण्यात आले, तेव्हा कुटुंबीय, नातेवाईक, मित्र-मैत्रिणी, एअर इंडियाचे अधिकारी-कर्मचारी आणि परिसरातील नागरिकांनी गर्दी केली. शोकाकुल वातावरणात अश्रूंना बांध फुटला. दर्शनानंतर स्वर्ग रथातून तिची अंत्ययात्रा शिवमंदिर परिसरातील स्मशानभूमीकडे रवाना झाली, जिथे अंत्यसंस्कार झाले. १२ जून रोजी अहमदाबादमध्ये घडलेल्या या दुर्दैवी घटनेनंतर आठवड्याने रोशनीचे पार्थिव काल कुटुंबीयांच्या ताब्यात देण्यात आले. डोंबिवलीत शोककळा पसरली असून, रोशनीच्या आठवणींनी सर्वजण व्यथित झाले आहेत.