पिका पाण्याला भाव आहे का? रोजगार द्यायची जिम्मेदारी कुणाची आहे? असा सवाल करत लोकसभेला जे वारं होतं, आता विधानसभेला झापुक-झुपुक झाल पाहिजे, असं म्हणत अभिनेता रितेश देशमुख यांनी लहान भावाची प्रचार सभा गाजवली आहे. लातूर ग्रामीणचे उमेदवार धीरज देशमुख यांच्या प्रचारार्थ अभिनेता रितेश देशमुख याने युवकांचा मेळावा घेतला. यावेळी रितेश देशमुख यांने नाव न घेता विरोधकांवर टीका केली आहे.

लातूर ग्रामीणचे उमेदवार धीरज देशमुख यांच्या प्रचारार्थ अभिनेता रितेश देशमुख याने युवकांचा मेळावा घेतला आहे., यावेळी रितेश देशमुख यांने नाव न घेता विरोधकांवर टीका केली आहे.. सगळे म्हणतात धर्म धोक्यात आहे, प्रत्येक पक्ष म्हणतो धर्म धोक्यात आहे. मात्र जे लोक असं म्हणतात त्यांचा पक्षच धोक्यात आहे. ते धर्माला प्रार्थना करतात की आम्हाला वाचवा. त्यामुळे अशा कुठल्याही भूलथापांना बळी पडू नका, असं म्हणणाऱ्यांना तुम्ही प्रश्न करा की धर्माच आम्ही बघू तुम्ही आमच्या कामाचं बघा, या शब्दात अभिनेता रितेश देशमुख यांनी विरोधकांवर निशाणा साधला आहे.

धीरज देशमुख यांचं एक नंबरला बटन आहे, त्यामुळे ते आमदार तर होणारच आहेत. यावेळेस एवढ्या जोरात बटन दाबा की, पुढच्या वेळेसच विरोधकाचं डिपॉझिट जप्त झालं पाहिजे. लोकसभेला जे वारं होतं आता विधानसभेला झापुक-झूपूक झालं पाहिजे, असं म्हणत त्यांनी भाजपाचे ग्रामीणचे उमेदवार तथा विधान परिषदेचे आमदार रमेश कराड यांच्यावर नाव न घेता अभिनेता रितेश देशमुख याने निशाणा साधला आहे.

Edited By Rakhi Rajput