नाशिकच्या बागलाणच्या पिसोळबारीत ट्रक उलटल्याची धक्कादायक घटना घडली आहे. बागलाणच्या ताहाराबाद येथिल मोसम नदीवरील पूल हा धोकादायक झाला आहे. त्यामुळे या मार्गावरील वाहतूक प्रशासनाकडून बंद करण्यात आली आहे. बहुतांश वाहतूक ही पिसोळबारी घाटातून सुरु आहे. रात्रीच्या सुमारास घाटातून जाणाऱ्या ट्रकला अपघात झाला असून चालकाचे नियंत्रण सुटल्याने ट्रक पलटी झाला आहे. सुदैवाने घटनेत कोणत्याही प्रकारची जीवितहानी झालेली नाही. मात्र घाट रस्त्यावर मोठे खड्डे पडल्यामुळे ट्रक पलटी झाल्याची माहिती मिळत आहे.